သားကလေးက အခု မူကြိုတက်နေပါပြီ။ အိမ်နားနီးတဲ့ SILTA မှာထားဖြစ်ပါတယ်။ စာမသင်သေးပါဘူး။ ကျောင်းပျော်အောင် နေ့ ၁ ပိုင်းပဲထားဖြစ်သေးတယ်။ ကလေးအများစုတို့ရဲ့ ထုံးစံအတိုင်း မနက်တိုင်း ကျောင်းမသွားချင်ဘူးဆိုတာကို စာကားလုပ်ပြီး ပြင်ဆင်ပေးနေသမျှ အီနေတတ်ပါပြီ။
သူတို့ကျောင်းက တနင်္လာနဲ့ သောကြာ ၂ ရက် ကျောင်းဝတ်စုံဝတ်ရပါတယ်။ ဒီပုံကတော့ သားသားရဲ့ ကျောင်းဝတ်စုံနဲ့ပုံပါ။
ကြားရက်တွေတော့ အခြားအ၀တ်အစား ၀တ်လို့ရပါတယ်။
တရက်က သားကိုကျောင်းလိုက်ပို့ရင်း ဓာတ်လှေခါးထဲမှာ သားက မေမေ့ကျောင်းမသွားချင်ဘူး၊ ကျောင်းမသွားချင်ပါဘူးဆို လို့ တတွတ်တွတ် နဲ့..လုပ်နေတာကို သားထက်နည်းနည်းကြီးပုံရတဲ့ ကလေးက (သူကလဲ သူ့အမေနဲ့အတူ ကျောင်းတက်ဖို့ ဓာတ်လှေခါးထဲပါလာတာ) ကိုယ်ချီ ထားတဲ့သားကို စောင်းငမ်းငမ်း မော့ကြည့်ပြီး ကျောင်းမှာတော့ သူပဲဆော့နေပြီးတော့.. လို့မှတ်ချက်ပြုပါတယ်။
ဆရာမတွေကို အကျိုးအကြောင်းမေးကြည့်တော့ ကျောင်းမှာတော့ အဆင်ပြေပါတယ် ဆိုပါတယ်။ ခုဆို ကျောင်းတက်တာ ၂ ပတ်ရှိနေပြီဖြစ်ပေမယ့် မနက် ကျောင်းပို့တိုင်း ဂျစ်တိုက် ဆဲပါပဲ။ ၁ လ လောက်နေရင်တော့ အသားကျသွားမယ် မျှော်လင့်ရတာပါပဲ။း(
Saturday, February 12, 2011
သားသား ကျောင်းစတက်ပါပြီ။
အလုပ်သစ် - အလစ်သုတ်
လတ်တလောမှာ အလွန်အလုပ်ပြောင်းချင်နေပါတယ်။ လက်ရှိလုပ်နေရတဲ့ field မှာ အလွန်ပဲ ပျင်းမုန်းငြီးငွေ့နေတယ်။
ဒါနဲ့ပဲ ကိုယ့်သူငယ်ချင်းများထဲကို မေးပါတယ်။ အလုပ်အကိုင်လေးများရှိရင် ပြောပါ လို့..။
ချစ်ဖို့ကောင်းလှတဲ့ သူငယ်ချင်းအစ်ကိုကြီးက ပြောပါတယ်။ နေပြည်တော် တိရိစ္ဆာန်ရုံမယ် ကျားစာကျွေးဖို့ အလုပ်တော့ရနိုင်တယ်တဲ့။ ခုလုပ်နေတဲ့အလုပ်ကို ငြီးငွေ့လှတဲ့စိတ်ကို ကျားစာကျွေးတဲ့အလုပ်နဲ့ယှဉ်ကြည့်လိုက်မိတော့.. ကျားစာကျွေးရမယ့် အလုပ်ကပဲ သိပ်မဆိုးလှဘူး ထင်တာနဲ့ စိတ်ဝင်စားပါတယ်၊ လုပ်ချင်တယ် ဒါပေမယ့်.. လစာနဲ့ အခြားသော မက်လောက်စရာ ဘာတွေရှိဦးမလဲ ဆိုတော့.. နင့်ကိုဆိုရင် ၂သိန်းလောက်တော့ ပေးနိုင်တယ်တဲ့။ ဘာပဲပြောပြော အဲလောက်ဆိုလဲ သားကျောင်းစရိတ်လောက်တော့ ရတာပဲလေ..။ နောက်ပြီး နေလို့ဖြစ်တဲ့ အိမ်လဲရမယ်တဲ့။ စားစရိတ်သောက်စရိတ်ကကော လို့ဆက်မေးမိတော့.. အဲဒါ မခက်ပါဘူးတဲ့..။ တိရိစ္ဆာန်ကျွေးမယ့် အစာတွေထဲက နင့်ဟာနင် သင့်သလို ယူချက်စားလို့ရတာပဲတဲ့။ ကိုယ်က ဘယ်လိုမျိုးတွေယူစားရမလဲ ကမန်းကတမ်း တွေးတုန်း.. ဘေးက သူငယ်ချင်းက ခွင်တွေပြောပြတယ်။ (သူက အရမ်း အကွက်မြင်တတ်တာလေ..။ ချက်ဆိုတာနဲ့ နားခွက်က မီးတောက်ပြီးသား။ဒါကြောင့်လဲ သူ့ကုမွဏီက သူ့ကို လက်မလွှတ်နိုင်တာဖြစ်မှာ..။) နင်ကလဲဟာ.. ဥပမာ-ကျားစာကျွေးမယ့်ထဲက အမဲသားတုံးပေါ့..။ ဘာပဲပြောပြော နင်အမဲသားကတော့ နေ့တိုင်းစားရနိုင်တယ်တဲ့။ သြ… ဒီလိုကိုး..ပေါ့.. ဒါကြောင့်လဲ တိရိစ္ဆာန်ရုံထဲက အကောင်တွေ ပိန်နေတာဖြစ်မယ်။ ဘာပဲပြောပြောဒါ လဲ မက်လောက်တယ်နော်...ဈေးဖိုးမကုန်ဘူး။ ကျားကျွေးမယ့်အထဲက အမဲသားရယ် တခြားအကောင်ဗလောင်တွေကျွေးမယ့်ဆီက အသီးအနှံနည်းနည်းပါးပါးစီ နှိုက်လိုက်ရင် ဖွယ်ဖွယ်ရာရာဟင်းတွေစားနိုင်မှာပဲလေ..။ ကျားကတော့ သိပ်ကျေနပ်မယ် မထင်ဘူး။ ဘာပဲဖြစ်ဖြစ်.. အဲသည်အလုပ်လဲပဲ မဆိုးလှဘူး။ ဒါကြောင့် အလစ်သုတ်ရမယ့် အလုပ်သစ်တစ်ခုအဖြစ် ထည့်သွင်းစဉ်းစားနေပါတယ်။ သည်လိုအလုပ်ကောင်းကို အော်ဖာပေးတဲ့ ငါ့အစ်ကိုကြီး ကျန်းမာချမ်းသာပါစေတော်.. စီးပွားတွေ ဆထက်တပိုးဒီရေးအလား တက်ပါစေလို့ ဆုတောင်းပေးရင်း ကျေးဇူးတင်လျက်ပါ။
