မနက်ဖြန်ဆိုရင် ကိုယ့်ရဲ့ ၂၉ နှစ်မြောက် မွေးနေ့ပါ...။
ဘာလိုလိုနဲ့ သည်ကမ္ဘာကြီးထဲမှာ ကိုယ်နေထိုင်လာခဲ့တာ ၂၉နှစ်ရှိခဲ့ပြီ..။
ကဲ နေထိုင် လာ ခဲ့တဲ့ ၂၉ နှစ်ခဏလောက် ရပ်ပြီး သုံးသပ်မကြည့်သင့်ဘူးလား..။
နောက်တစ်ရက်ကို ကူးပြီးရင် ၃၀ ထဲကိုရောက်ပြီ..။ ဖြတ်သန်းခဲ့တဲ့ ဘ၀ကို ကျေနပ်သလား..။ ကိုယ်ကျေနပ်သည်ဖြစ်စေ.. မကျေနပ်သည်ဖြစ်စေ.. သည်ခရီးကတော့ ဆက်လျှောက်နေရဦးမှာ..။
မြင့်သန်းစာတွေထဲမှာ သူမကြာခဏရေးခဲ့တဲ့ စကားလုံးအချို့ကို သတိရမိသေးတယ်..။
ပစ်ချခံထားရသော ဘ၀ တွင် တဲ့..။ ကိုယ်တို့ကို ဘယ်သူကများ ဟောသည်ကမ္ဘာထဲ ပစ်ချလိုက်ပါသလဲ..။
ကိုယ့်ရွေးချယ်မှုမပါဘဲ.. လူဖြစ်လာရတဲ့
လူဖြစ်ဖို့ ကိုယ်တို့ရွေးချယ်ခဲ့သလား..။
ကိုယ့်အသက် ၁၀ နှစ်လောက် က ကမ္ဘာကြီးကို တအံ့တသြစူးစမ်းတတ်တဲ့ ကလေးမလေး တစ်ယောက် အဖြစ် .. အသစ်အသစ်တွေ သင်ယူရင်း..နောက်ထပ် ၁၀ နှစ်ကို ဖြတ်သန်းခဲ့တယ်..။
ကိုယ့်အသက် ၂၀ မှာတော့.. သည်ကမ္ဘာကြီးထဲမှာ တစုံတယောက် တော့ ဖြစ်ရမယ် ဆိုတဲ့ စိတ်နဲ့.. ဘ၀ကို ကြိုးစားရုန်းကန် ရင်း ဖြတ်သန်းလာခဲ့တာ. .ခု ဆို ၉ နှစ်..။ တစုံတယောက် ဖြစ်ပြီလား..။
Thursday, April 26, 2007
Feeling 29
Subscribe to:
Post Comments (Atom)
No comments:
Post a Comment