မိခင်လောင်းဘ၀

မိခင်လောင်းဘ၀က တကယ်ရင်ခုန်ကြည်နူးစရာကောင်းပါတယ်။
ကိုယ့်ဗိုက်ထဲက ကလေးလေး စလှုပ်လာခါစမှာ စိတ်လှုပ်ရှားရတယ်။ အသည်းတယားယားနဲ့..။ အခြားသော သက်ရှိလေးတစ်ခု ကိုယ့်ဗိုက်ထဲမှာ ရှိနေပါလားဆိုတဲ့ ခံစားချက် က တမျိုး။ ကိုယ့်ရင်သွေးလေး အသက်ရှိနေပြီ ဆိုတာကို သိနေရတာက ရင်တလှပ်လှပ်ဖြစ်စေတယ်။

ပထမလအစောပိုင်းက ဆက်ကနဲ ဆက်ကနဲ လှုပ်တတ်တဲ့ ကလေးလေးဟာ ၇ လကျော်လာတာနဲ့ သောင်းကျန်းတော့တာပါပဲ။ ဗိုက်ထဲမှာ သူကျပ်လို့ ရုန်းကန်တာလား။ အညောင်းဆန့်တာပဲလား မသိ။ ဗိုက်ပူပူဟာ ကြည့်နေရင် ဟိုနားက ဖောင်းလာလိုက် ဒီနားက ချွန်ထွက်လာလိုက်နဲ့.. ပုံအမျိုးမျိုးပြောင်းနေတာပဲ။
လက်သီးလေးတွေ ဒူးခေါင်းကလေးတွေ ဖြစ်မယ် မှန်းရတဲ့.. လုံးလုံး ဖုဖုလေးတွေ ထောင်ထွက်လာတတ်သေးတယ်။
သူ့ကို ပွတ်ပေးလိုက်ရင် နေရာရွေ့သွား ငြိမ်သွားပြန်ရော.. ဒါကိုပဲ ကြည့်ကြည့်ပြီး သဘောကျနေရတယ်။
ကလေးအဖေကို ပြရင် သူကြည့်တဲ့အချိန် ကလေး က ငြိမ်ငြိမ်သွားတတ်လို့ အသည်းယားရသေးတယ်။
ကြည့်နော်.. ကြည့်နော.်.. လှုပ်နေပြီ ဆိုပြီးပြလိုက်ရင် သူကငြိမ်သွားပြီး အကြာကြီးထပ်မလှုပ်တော့ပြန်ဘူး။ အဲဒါနဲ့ ဟိုက စိတ်မ၀င်စားတော့ဘဲ ဟိုဘက်လှည့်သွားရင် သူကလှုပ်ပြန်ပြီ။ နောက်နေလားတောင် အောင့်မေ့ရတယ်။ အဟက်။ နောက် မှ အဲလောက်လှုပ်တာ မျက်ဝါးထင်ထင်မြင်တော့တယ်။ သူ့အဖေက ဘောလုံးကြိုက်လို့ အထဲက ဘောလုံးကန်နေတာနေမှာပေါ့တဲ့။ ရယ်ရတယ်။

၆ လလောက်တုန်းက အာလ်ထရာဆောင်းရိုက်ကြည့်တော့ ယောက်ျားလေးတဲ့..။ ၀မ်းသာရပြန်တာပဲ။ ကိုယ့်တူမကလေးကို သမီးကလေးလို ချစ်နေရတော့.. သားကလေး ရတယ်ဆိုတော့ ပိုကောင်းတာပေါ့။ ယောက်ခမများဖို့ကတော့ မြေးဦးယောက်ျားလေး ရတာပေါ့။ ကိုယ့်မိဘများအတွက်က မြေးဦး မိန်းကလေးရပြီးသားကို မြေးယောက်ျားလေး ထပ်ရတော့ တစ်မျိုးစီ ချစ်ရတာပေါ့။ ကိုယ့်တူမအတွက်လဲ.. မောင်မောင်ကလေး ရတာပေါ့။

ကိုယ်ဝန်ရှိစ ၂ လ ၃ လလောက်တုန်းက ခံစားခဲ့ရတဲ့ ဒဏ်တွေကိုတောင် မေ့နိုင်သွားတယ်။ အဲသည်တုန်းကတော့.. မူးဝေ အော့အန်၊ အန်လိုက်ရတာမှ ဘာမှ စားမရ၊ သောက်မရ။ ရေချည်းသောက်ရင် ရေချည်းပဲအန်၊
အင်း.. ကလေးအဖေခမျာတော့ ဘာဝေဒနာမှ မခံရဘူး ဆိုတော့ မနာလို တောင် ဖြစ်မိသေး။ ပြီးရင် သူက အချောက်တိုက် အဖေ ဖြစ်ခွင့်ရလိုက်သေးတယ်။ ဟွန်း။