Sunday, May 4, 2008

5 May 2008

ဘက်စ်ကားခက တစ်ကြောကို ၁၀၀၀ ပါ။ ရွှေပြည်သာကဘက်စ်ကားနဲ့ လာတဲ့သူက ၃၀၀၀ ပေးရတယ်လို့ပြောပါတယ်။ ၀န်ထမ်းအချို့နဲ့ ပြောကြည့်တာ။

ဆီဈေးက ၁သောင်းဖြစ်သွားပြီလို့ပြောပါတယ်။ တက်စီခက အရင် ၁၀၀၀ နဲ့လာတဲ့လမ်းကို ၃၀၀၀ တောင်းတယ်။ ကျောက်မြောင်းက အစ်မကြီးက ခါတိုင်း ၂၀၀၀ နဲ့လာတဲ့လမ်း ဒီမနက် တက်စီခ ၆၀၀၀ တောင်းတယ်ပြောပါတယ်။

အဓိက ပြသနာကတော့ သောက်ရေပါ။ ရေသန့်ဗူးတွေ လဲလို့မ၇တော့ပါဘူး။ လမ်းထဲမှာ ရေတွင်း တစ်တွင်း ရှိတာ မနက်က လူတွေ ပြုံနေတာ တွေ့ရတယ်။ ရေလာချိုးကြတာပါ။ အိမ်မှာတော့ အပေါ်တန့် ထဲမှာ ရေ ကျန်သေးသလို အောက် က အုတ်ကန်ထဲမှာရယ် လိုလိုမယ်မယ်ဆောင်ထားတဲ့ တိုင်ဂီထဲမှာရယ် ရေရှိနေ သေးတယ်။ အပေါ် tank ထဲက ရေကို သောက်ရေအဖြစ်သုံးဖို့ချန်ပြီး ဆေးတာကြောတာကို basin မှာ ပိုက်ဖွင့်မဆေးပဲ.. ရေဇလုံ နဲ့ ရေခြွေတာသုံးနေရတယ်။ မီးမလာလို့ ရေမရပါဘူး။

Emergency Lamp လေးကို ရုံးယူလာပြီး အားသွင်းရတယ်။ မနေ့ကတော့ City Mart (အောင်ဆန်းကွင်း) က နေ့လည် ၁ နာရီကနေ ညနေ ၆ နာရီအထိ ဖွင့်ပေးတယ်ဆိုလို့ ၄ နာရီလောက်ကရောက်တယ်။ လူတွေ အရမ်းများနေလို့ ပေးမ၀င်ပါဘူး .. ။အပြင်ကနေ တန်းစီရတယ်။ နာရီဝက်လောက် တန်းစီပြီးမှ ၁၀ ယောက်ချင်း ပေးဝင်ပါတယ်။ ၀ယ်လိုက်ကြတာအုံးအုံးကျွက်ကျွက်ပါပဲ။ .. ဈေးတွေ မတင်ထားဘဲ အရင်ဈေး အတိုင်းပဲ ရောင်းပေးတာကျေးဇူးတင်ရမယ်။ ဆီရယ်၊ ဆက်သား ခြောက်ဖုတ်တို့ဘာတို့ ရယ်ဒီမိတ် အစားအစာတွေ နည်းနည်းဝယ်တယ်။ နို့တို့ အသားတို့က ရေခဲသေတာကလည်း မီးမလာတာနဲ့ မ၀ယ်တော့ဘူး။ ငွေရှင်းဖို့ တန်းစီရတာ ၁ နာရီကြာတယ်။ ငွေရှင်းဖို့တန်းစီရင်းမှ ရှေ့က အစ်မကြီး တောင်းထဲမှာ ဖယောင်းတိုင်တွေ တွေ့လို့.. သူ့ကို ခြင်းအပ်ပြီး ခဏဖယောင်းတိုင်ပြေးယူရတယ်။ ကိုယ်ဖယောင်းတိုင်တွေ ယူပြီးပြန်လာတော့ နောက်က တန်းစီနေတဲ့ နိုင်ငံခြားသား လင်မယားက ကတွတ်ကတွက်ပြောပြီး မိန်းမက အပြေးအလွှားဖယောင်းတိုင်တွေ ပြေးယူကြပြန်တယ်။ ရယ်ရတယ်။

အပြင်ကဈေးလေးတွေကတော့ ရှိသလောက်ပစ်စည်းတွေနဲ့ ဖွင့်ကြ သေးတယ် ပြောတယ်။ ဒါပေမယ့် ဈေးတွေက အကုန်တက်တယ်ပြောတယ်။

ရထားလမ်းတွေပေါ်လည်း သစ်ပင်တွေလဲကျနေတာ ဆိုတော့ ကားလမ်းတွေ ရထားလမ်းတွေ ခက်ခဲမှာရယ်၊ ဆီဈေးတွေတက်တာရယ်ပေါင်းပြီး နယ်ကလာမယ့် ကုန်စည်တွေ အကုန်ဈေးတွေ ထပ်တက်ပါဦးမယ်။

ကိုယ်ကတော့ .. ၀ယ်လှောင်လဲ အလကားမို့.. နည်းနည်းပါးပါးပဲ.. ၀ယ်ပါတယ်။ အိမ်ကို ဖုန်းဆက်ကြည့်တော့ ဆန်ဆီရှိတယ်။ ပုစွန်ခြောက် ငါးခြောက်ကလည်း ရှိတာမို့ စိတ်ပူစရာမရှိပါဘူး။ အလွန်ဆုံး ၂ ပတ် ၃ ပတ်စာလောက်ရှိရယ် အဆင်ပြေမယ် ထင်တာပါပဲ။

အဲလောက်အထိပဲ ဒုက်ခများမယ် မှန်းထားမိတာပါ။ ပိုဆိုးရင်တော့ မပြောတတ်ပါ။ ပိုက်ဆံကတော့ တော်တော်ချွေချွေတာတာ သုံးရမယ်။ ကိုယ်တွေ လူလတ်တန်းစား မြို့ပေါ်နေတွေရဲ့ ဒုက်ခက ဒါပါပဲ။ အိမ်မိုးသွပ်တွေလည်း အခု လိုသလောက် မရတော့ဘူး တန်းစီရတယ် ကြားပါတယ်.။ ကိုယ်တို့ ခေါင်မိုးတော့ တက်မကြည့် ရသေးပါဘူး။

နောက်တစ်ခါ မိုးရွာရင်တော့ မိုးတွေ ယိုဦးမှာပါပဲ။ တစ်တိုက်လုံးနဲ့ တော့ စကားပြောရဦးမယ်။ ခေါင်မိုးတွေ ပွင့်ထွက်ကုန်လို့ အိမ်ဟောင်းလောင်းဖြစ်သွားတဲ့ သူတွေရဲ့ ဒုက်ခက ဘယ်လိုလဲ မသိဘူး။ မှန်းလို့တောင် မတက်ပါဘူး။ ရေနစ်တဲ့ နေရာကလူတွေ တဲတွေ နဲ့နေကြတဲ့သူတွေ .. ဘယ်လိုတွေဖြစ်မယ်မသိဘူး။ မနေ့ကတော့ ရေဒီယိုလေးတစ်လုံး ၀ယ်ခဲ့တယ်။ အဲဒါလေးနဲ့ သတင်းလေး ဘာလေး နားထောင်လိုက်ရတယ်။

၃ ရက်နေ့ ဖလိုက်နဲ့ ကာတာသွားမယ့် ညီမလေးလဲ မသွားဖြစ်လိုက်ဘူး။ သူ့ဖလိုက်တွေလည်း ဘယ်လိုလိုက်ပြန်ချိတ်ရမလဲ မသိသေးဘူး။ ရန်ကုန် လေဆိပ်တော့ ဒီမနက်ပြန်ဖွင့်တယ် လို့ သိရပါတယ်။ ယောက်ျားကတော့ ညည်းနေပါတယ်။ သူတို့ ကုမ်ပဏီ ပိတ်ထားရမလားမသိဘူးတဲ့။ အဲလောက် ကားခနဲ့ ၀န်ထမ်းတွေ အလုပ်ဆင်းခိုင်းဖို့လည်း မလွယ်ဘူး။ အဲသည် ဆီဈေးနဲ့ မီးစက်မောင်းပြီး ရုံးဖွင့်ရရင်လည်း သေမှာပဲ တဲ့။ ဖုန်းတွေကလည်း မကောင်းဘူး ....။ တော်တော်များများ ဒုက်ခရောက်ကြဦးမယ်။

3 MAY 2008

မနေ့က မသေခဲ့လို့ ဒီနေ့ အွန်လိုင်းဝင်နိုင်ပါတယ်။

၂ ရက်နေ့က ရုံးစောစောဆင်းလို့ရတယ်ပြောပေမယ့် လုပ်စရာတွေ မပြတ်သေး တာကြောင့် ၄ နာ၇ီကျော်မှ ပြန်လာဖြစ်တယ်။ မောင်ရမ်းမင်္ဂလာဆောင်တောင် ယောက်ျားပဲ သွားလိုက်တယ်။ မိုးထဲလေထဲကနေ ရွှဲရွဲစိုပြိး အိမ်ပြန်ရောက်တော့ အိမ်သော့က မနေ့က ၀တ်ခဲ့တဲ့ ကုတ်အကျီ င်္ထဲမှာ ကျန်ခဲ့ပြီဆိုတာ သတိရတယ်။
မိုးကလည်း ကြီး...။ ယောက်ျားကိုလည်း ဖုန်းခေါ်မရ ရေရွဲရွဲစိုနဲ့ အိမ်ပေါက်ဝမှာ ငုတ်တုတ် ၄၅ မိနစ်လောက် စောင့်ရတယ်။

ချမ်းတာနဲ့ လေထဲမိုးထဲ စောစောအိပ်လိုက်တယ်။ တရေးနိုးတော့ ည ၁၁ နာရီ လေတွေ မိုးတွေ ၀ုန်းတိုင်း ကြဲနေပါပြီ။ ပြတင်းမှန်က ချောင်းကြည့်တော့ အုန်းပင်တွေယိမ်းထိုးနေတာတွေ့ရတယ်။ လေတိုက်သံတွေ ကလည်း တရွီးရွီးနဲ့။

ခနနေတော့ မီးတွေ ပျက်သွားပါရော.......။

ည ၂ နာရီဗလာက်ကျတော့ အိမ်ပါ သိမ့်ခနဲ သိမ့်ခနဲ ငလျင်လှုပ်သလို လှုပ်တော့ ပြန်နိုးလာပါတယ်။
ခေါင်မိုးသွပ်ချပ်တွေလည်း လန်ကုန်သွားမပြောတတ်ပါဘူး။ မိုးတွေ လည်း ဟိုနားကယို ဒီနားကယို နဲ့ လင်မယားနှစ်ယောက် ရှိသမျှ ပုံးတွေ ခွက်တွေ ခံရတယ်။ သုတ်စရာ ဂျာနယ်တွေ အပုံလိုက်ကို တစ်အိမ်လုံး လိုက်ခင်း..။ အိပ်ယာထဲလည်း မိုးတွေ ယို..။ နံ၇ံနဲ့ ကပ်နေတဲ့ ဗီဒိုတွေလည်း မိုးယိုမှာ စိုးလို့ ပလပ်စတစ် စကြီးတွေ လိုက်အုပ် နဲ့.. ဗျာများနေရတယ်။ အိမ်ထဲရေ၀င်တာတွေလည်း ခပ်တုတ်ရသေးတယ်။

အပြင် ကလည်း ၀ုန်းဒိုင်းတွေ ကြဲနေပါတယ်။ ဘာတွေ ကျကွဲမှန်းမသိတဲ့ တခွမ်းခွမ်း အသံတွေလည်း ကြားနေရတယ်။ သွပ်မိုးတွေပေါ်ကို ဒလိမ့်တုန်းနဲ့ လာလှီမ့်သလို အသံတွေလည်း ထွက်နေပါတယ်။

တော်တော်ကြမ်းတဲ့ နာဂီပါ။ အိမ်ကို ဖုန်းဆက်ကြည့်တော့ ကံကောင်းစွာ ဖုန်းလိုင်းက ရနေပါတယ်။ အိမ်ကလူတွေလည်း ငုတ်ထုတ်ထထိုင်နေကြတယ်ဆိုပါတယ်။

ကြောက်လိုက်ရတာများ အသက်ပါ ပါပြီမှတ်တာပဲ။.. နေတာက ခြောက်ထပ်တိုက် အပေါ်ဆုံး။ တိုက်က လှုပ်နေတော့ တိုက်များ ပြီုကျရင် ပြီးပါရော မှတ်တာပဲ ။ အောက်ဆင်းပြေးရအောင်ကလည်း အပြင်မှာက ဖြစ်ချင်တိုင်း ဖြစ် အုန်းဒိုင်းကျဲနေတာ။

ဒီဗလာက်ကြီးကြမ်းမယ့်ဟာကို ဘာမှ သတိပေးခြင်းမရှိခဲ့ဘဲ.. မဲရုံ မဲရုံ မဲရုံဆီသို့ ပဲ တချိန်လုံးလုပ်နေခဲ့တာကို တွေးပြီး ဒေါသတွေ ထွက်နေမိပါတယ်။

မနက် ၅ နာရီဗလာက်ကျတော့ နည်းနည်း လင်းလာတာမို့ အပြင်ကို မြင်ရပါတယ်။ လေကတော့ ကြမ်းတုန်းပဲ မို့ မှန်ပေါက်ကခြောင်းကြည့်ုလိုက် ရင် သွ့ပ်ချပ်ကြီးတွေ တ၀ှီးဝှိးလွင့်နေတာ မြင်နေရတယ်။ သစ်ပင်တွေလည်း ကြိုးတဲ့ဟာကြိုး။ လေသံကြီးကလည်း ရွှီးရွီး နဲ့နေတာပဲ။

ဘုရားခန်းလေးကမိုးလွတ်တော့ အဲနားမှာ ဖျာလေးခင်းပြီး မောမောနဲ့ တမှေးမှေးလိုက်ရသေးတယ်။ လူသံတွေ ကြားတော့ ပြန်နိုးလာတော့ မနက် မိုးလင်းနေပြီ။ လေနည်းနည်း ငြိမ်နေတာမို့.. လူတွေ အပြင်ထွက်ပြီး ရုံးစုရုံးစုနဲ့.. စကားတွေ ပြောနေကြပါတယ်။ ရုံးက ဒရိုင်ဘာဆီက ဖုန်းလာတယ်။ ဟန်းဖုန်းနဲ့ ဆက်တာ..။ (လိုင်းဖုန်းတော်တော်များများ ပျက်ကုန်ပါပြီ။ အပင်တွေလဲလို့) သူတို့အိမ်ပေါ် ကုကိုလ်ပင် လဲကျလို့.. ပြားသွားပါသတဲ့.. အိမ်ရှေ့ပိုင်းကို လူတွေ တော့ ဘာမှ မဖြစ်ဘူး ဘေးက အဒေါ်အိမ်မှာ ခဏနေရတယ် အကြောင်းကြားပါတယ်။ နောက်ဝန်ထမ်းတစ်ယောက် ဆီက ဖုန်းလာပြန်ပါတယ်။ အပေါ်ဆုံးထပ်မှာ နေတာမို့ .. အမိုးတွေ ပွင့်ထွက်သွားပြီဆိုပါတယ်။ ဘာမှ မတတ်နိုင်ဘူး...။ ဟုတ်လား။ စိတ်မကောင်းပါဘူး ပဲပြောရတယ်။

ဝမ်းရေးက ရှိသေးတာကြောင့် လေထဲမိုးထဲ ကပဲ ဂတ်စ်မီးဖိုလေးနဲ့ ချက်ပြုတ်စားရတယ်။ အားလုံး ညနေ ၃ နာရီ ခွဲလောက်မှ ငြိမ်သက်သွားပါတယ်။ အင်တာနက်ရှိတဲ့ တဲ့ ရုံးကို သွားချင်လိုက်တာ ရွနေတာပဲ။ ယောက်ျားက မထွက်သင့်သေးဘူး ဆိုလို့.. ပြတင်းပေါက်ကနေဘဲ အပြင်ကိုကြည့်တော့.. ဘုန်းကြီးကျောင်း ခေါင်မိုးတွေ လွင့်ထွက်ကုန်တာ.. အပေါက်တွေ အပေါက်တွေ နဲ့.. အင်တာနာတွေအကုန် ကျိုးကျ.. တိုးလိုး တန်းလန်း.. စလောင်းတေ လည်း ကျိုးတဲ့ဟာကျိုး.. တ၀က်တပျက် တန်းလန်းကြီးတွေ ကျတဲ့ဟာကျ .. အလုံးလိုက်ကြီး လမိးပေါ် ပြုတ်ကျနေတာတွေရော.. တလမ်းလုံး မွစာကြဲနေတာပါပဲ..။

ခေါက်ဆွဲလေး ပြုတ်စားပြီး အရမ်းကို အပြင်ထွက်ချင်နေတာနဲ့ ညနေ ၅ နာရီဗလာက် ထွက်လာခဲ့ပါတယ်။ တားမရတဲ့အဆုံး ယောက်ျားကလည်း သွားချင်ရင်လည်း သွားဆိုပြီး လွှတ်လိုက်ပါတယ်။ သူလည်း မိုးယိုတာ ဘာညာနဲ့ တစ်ညလုံး မအားရတာနဲ့ အိပ်ပျော်သွားတာနဲ့.. တစ်ယောက်တည်း ထွက်ချလာလိုက်တယ်။

နေတာက ဗဟန်း ၂ လမ်းဆိုတော့ လမိးထိပ်ထွက်လိုက်တာနဲ့ ကန်တော်ကြီး ပန်းခြံထဲက သစ်ပင်ကြီးတွေ အတုံးအရုံး လမ်းပေါ်လဲကျပြီးတစ်လမ်းလုံး ရစရာမရှိပါဘူး။ .. တက်စီငှားလို့ရတာနဲ့ ရုံးရှိတဲ့ မြို့ထဲဘက် ထွက်တာ.. လမ်းတိုင်းဟာ သစ်ပင်ကြီးတွေ ပြိုလဲ ထားလို့ ပိတ်နေပါတယ်။ ပြည်လမ်း တစ်လမ်းလုံးလည်း ရစရာမရှိအောင် ပျက်စီးလို့..။ တိုက်တန်းလျားတွေရဲ့ အပေါ်ဆုံးထပ် ခေါင်မိုးတွေ လုံးဝမရှိတော့ဘူး.. ဟောင်းလောင်း.. လူတွေ ဘယ်ရောက်ကုန်သလဲ မသိရ........။

ဓာတ်တိုင်တွေရော သစ်ပင်ကြီးတွေရော အတုံးအရုံးလဲပြီး လမ်းတွေ ဟာ မှတ်မိစရာမရှိအောင် ဖြစ်နေပါတယ်။ အဲဒါတွေ ရှင်းဖို့ ဆို အနည်းဆုံး ၂ ပတ်ကနေ ၃ ပတ်လောက်ကြာနိုင်တယ်။ အဲသည် ဟာကြီးတွေ မရှင်းနိုင်သေးရင် မီးကလည်း ပြန်လာမှာ မဟုတ်ပါဘူး။

ဖုန်းလိုင်းတွေလည်း တော်တော်များများပျက်ပါတယ်။ သစ်ပင်ကြီးတွေ လည်း ချက်ချင်း မဖယ်ရှားနိုင်သေးဘူး။ ဒီမနက် ထပ်ထွက်လာတော့.. အပင်ကြီးတွေ မဖယ်ရှားနိုင်သေးပေမယ့် လမ်းပေါ်လဲကျနေတဲ့ အပိုင်းတွေ လွှဲနဲ့ တိုက်ဖြတ် ထားတော့ တစ်စီးစား သွားလို့ရအောင် လုပ်ပေးထားတာ တွေ့ရတယ်။

အိမ်တွေကတော့ ကိုယ်ထူကိုယ်ထ သွပ်ပြားတွေဝယ် ခေါင်မိုးတွေ ပြန်မိုးဖို့ လုပ်နေကြတာတွေ့ရတာပဲ။ လမ်းတွေ က ပိတ်နေတော့ တစ်နေရာနဲ့ တစ်နေရာ သွားလာဖို့ကမလွယ်ပါဘူး။ ဖုန်းလိုင်းတွေလည်း ပြတ်၊ အင်တနာတွေ ကျိုးစလောင်းတွေပြုတ်ကျ၊ မီးကမလာဆို တော့ ဘာသတင်းမှ မသိရပါဘူး။ ရေဒီယိုလည်း မရပါဘူး။ မြို့ထဲ ကိုယ်နေတဲ့နေရာလောက်ပဲ သိရတယ်။ ကျန်တဲ့အပိုင်းတွေဘာဖြစ်ကြတယ်တော့ မသိရသေးဘူး။