စိတ်မြန်သော ကျွန်မနှင့် အလျှော့အတင်း အပြောင်းအလဲ

အင်း.. ကိုယ့်ကိုကိုယ် ဆင်ခြင်မိပြန်တယ်။ စိတ်ကူးပေါက်ရင် ပေါက်သလို ဇွတ်တရွတ် ထလုပ်တတ်တဲ့ ကိုယ့်အကျင့်က တစ်ယောက်တည်းသမား ဘ၀ မှာ မထောင်းသာ ပေမယ့် နှစ်ယောက်တစ်ဘ၀မှာတော့ တော်တော် ပြသနာပေးမယ့် ကိစ်စတစ်ခုလို့ ဆင်ခြင်မိလာတယ်။

ကိုယ်ဟာ ကိစ်စတစ်ခုကို သိပ်စိတ်မ၀င်စားတဲ့အခါမှာ သိပ်အလေးမထားတတ်ပေမယ့် ဗြုန်းခနဲ စိတ်ဝင်စားလာတဲ့အခါ.. စိတ်ကူးပေါက်သလို ထလုပ်ပစ်တတ်ပါတယ်။ ကိုယ့်ဟာကိုယ်တော့ လုပ်ချင်တိုင်းထလုပ်လိုက်ရတာ ကျေနပ်သွားတတ်ပေမယ့် ဘေးလူတွေအတွက်တော့ ခုတစ်မျိုး တော်ကြာတစ်မျိုး အပြောင်းအလဲ များလှတယ် ထင်ကြမယ်။

မနေ့က တစ်ရက်ဟာ ကိုယ်တစ်ယောက်တည်း ပေါက်ကရတွေ ၀ုန်းဒိုင်း ထလုပ်လိုက်ဖြစ်သေးတယ်။ ခုနေ မနေ့ကအကြောင်းစဉ်းစားကြည့်တော့.. ကိုယ်လုပ်ပစ်လိုက်တာတွေ ကိုယ့်ဟာကိုယ်တောင် လိုက်မမီဘူး။ အဟက်...... ။

ချစ်သူကိုလည်း တော်တော် စိတ်အနှောက်အယှက်ဖြစ် စေ လိုက်သေးတယ်။

ကိုယ့်ချစ်သူတစ်ယောက်ကတော့... ကိုယ့်ရဲ့ သည်အချိုးအတိုင်းသာ ဆို ရင် တစ်သက်လုံးပျင်းရမယ်တော့မဟုတ်ဘူး။ ၀ုန်း ဒိုင်းဆို ထပြောင်းလဲတတ်တဲ့ကိုယ့်ကို ကြည့်ရင်း စိတ်တွေ တက်လိုက် ကျလိုက် ဒေါသထွက်လိုက် နဲ့ ရူးများသွားမလားပဲရယ်။

နှစ်ယောက်တစ်ဘ၀ ကိစ်စဟာ တော်တော်တော့ မလွယ်ပါဘူး။ တစ်ခုခုဆိုရင် နှစ်ယောက်သဘောကို ကြည့်ဖို့ ကိုယ့်ကိုယ်ကို အမြဲသတိပေးနေရတော့မယ်။

ကိုယ့်သူငယ်ချင်း အိမ်ထောင်သည် တစ်ယောက် ပြောတာသတိရမိတယ်။ သူ့ယောင်းမ အပျိုကြီးက သူတစ်ခုခုလုပ်မယ် ဆိုရင် အမေကတစ်မျိုးပြော၊ အဖေကတစ်မျိုးပြော မောင်က တစ်မျိုးပြောနဲ့ သူ့သဘော သူ့ဆန်ဒနဲ့ ဘာမှ လုပ်ခွင့်မရဘူး။ သူလုပ်ချင်တာရဲ့ ၅၀ရာနှုန်းလောက်ပဲ သူ့သဘောနဲ့ လုပ်ခွင့်ရတယ်။ ယောက်ျားပဲ ယူတော့မယ် လို့ ကြုံးဝါးသတဲ့..။ အဲသည်တော့.. အဲသည် သူငယ်ချင်းမ က ပြောလိုက်သတဲ့။ အစ်မရေ။ အေးအေးနေပါ။ အခုက အစ်မလုပ်ချင်တာကို ၅၀ရာနှုန်းလုပ်ခွင့်ရနေသေးတယ်။ လင်ယူလိုက်ရင် အဲသည် ၅၀ ရာနှုန်းပါ ပါသွားမယ် အစ်မရေ။ ကိုယ့်သဘောဆန်ဒကို မိုင်းနက်စ် ပြမနေရင် ကံကောင်းလို့မှတ်တဲ့။

သည်လိုပေါ့လေ... ။ ကိုယ့်သဘောကိုတော့ မိုင်းနက်စ် အထိ ဖြစ်အောင်မဟုတ်ပေမယ့်.. ဟိုဘက်လျှော့ သည်ဘက်လျှော့ နည်းနည်း စီတော့ ညှိကြရမှာပေါ့။

ခုက ကိုယ်လုပ်ချင်တာတွေကို ၁၀၀ရာနှုန်းကျော်ကျော် ထထလုပ်ပစ်နေတတ်တဲ့ အကျင့်ကတော့... တော်တော်ကြီး ပြောင်းလဲ ယူရမယ့်သဘောမှာ ရှိမယ်။

အင်း............ ဒွတ်ခ၊ ဒွတ်ခ။